| 今日係我地分開jor 之後既第100日 呢100日入面, 我不停咁比野自己做 功課, Final year project, 上系會樁...... 希望既係可以因為自己忙而可以慢慢將件事沖淡 但我發覺係唔得...... |
| |
| 唔覺唔覺就過jor 1個月 但係呢件事就好似係呢幾日發生咁 心情都仲係咁... 到而家都仲係好後悔... 點解當初唔做好d 如果我當初做好d...可能個結果會好唔同 不過我睇到你而家既開心...係我比唔到你ga...... |
| |
| 原來過jor 差唔多兩個星期 但係係我腦入面就好似最近既事 呢兩個星期好似做咩都諗起你... 仲記得有一次你尊登入黎屯門搵我 只係見到我3~4 個鐘 果日同你行過既商場, 坐過既公園, 食過野既餐廳... 好唔捨得....... 岩岩睇溏心風暴 夏雨講jor 句說話我覺得好岩 "對唔住...我真係好想同你講對唔住 如果我之前唔係咁, 就唔會搞到而家咁 我地就可以好似以前咁開開心心" 點解我唔做好d............ |
| |
| 今日係100日後既第一日 今日我好辛苦.......因為今日要好早起身 但係尋日既我根本就唔可以訓得著 雖然係帶病......但係唔知點解唔想合埋隻眼 因為一合埋隻眼我就諗起佢...... 今日個病比尋日嚴重好多 把聲完全唔同晒 唔知點解....好似每次都係咁 每次咁樣之後都會大病一場 而每次病親都好金, 好大獲 今日個活動我剩係可以用垃圾黎形容 同我第一次帶呢個活動完全係兩回事 主要原因都係..... 之後同禧, eric 同瑪莉姐hai... 返到屋企食完飯去jor 打波with 表弟, 堂細佬 打打下仲落雨...不過我好似唔記得jor 自己係病緊 由個場乾打到個場濕, 再由佢濕打到佢乾返... 而家個病再嚴重jor...點算........ |
| |
| 終於都講jor 出口, 我諗咁樣對你或者對我黎講都係一件好事 因為我唔想你唔開心............ |
| |
